MEDLIVER Гарын Авлага

Системд нэвтрэх

Бүх хэрэглэгчид хамаарна

1. Хөтчөөр app.medliver.mn хаягаар орно.
2. Имэйл хаяг болон Нууц үг-ээ оруулаад Нэвтрэх дарна.
3. Нэвтэрсний дараа Хяналтын самбар нээгдэж, зүүн талд танай эрхэд тохирсон цэс гарч ирнэ.

Ерөнхий цонхны бүтэц

Бүх хэрэглэгчид хамаарна

Дээд мөр

• Өвчтөн хайх — дунд байрлах Регистрийн дугаараар хайх… талбар. Регистр, нэр, утас, өвчтөний кодоор хайж, гарч ирсэн нэр дээр дарахад карт нь шууд нээгдэнэ.
• Профайл — баруун дээд буланд өөрийн нэр дээр дарж нэр, утас, зураг, нууц үгээ өөрчилнө.
• Гарах — ажлаа дуусгасны дараа заавал дарж гарна.

Зүүн цэс

• Гар утсан дээр цэс далд байна — зүүн дээд булангийн ☰ товчоор нээнэ.
• Компьютер дээр цэсийг нарийсгах/өргөсгөх сум байна.

Эмчийн ажлын байр

Хяналтын самбар дээр юу харагдах вэ

• Өнөөдрийн цаг, Хүлээж буй, Өнөөдрийн үзлэг, Өнөөдөр хийх эмчилгээ гэсэн 4 үзүүлэлт.
• Хурдан үйлдэл: Дараалал · Эмчилгээний ToDo · Шинэ шинжилгээ.
• Миний өвчтөнгүүд — танд харьяалагдсан өвчтөний жагсаалт, хайлттай.

Өдрийн ердийн урсгал

1. Дараалал нээж өнөөдрийн өвчтөнөө харна.
2. Өвчтөн дээр дарж үзлэг эхлүүлнэ (Үзлэгийн карт).
3. Зовуурь, онош, амин үзүүлэлтийг бүртгэнэ.
4. Шаардлагатай бол шинжилгээ захиална.
5. Эмчилгээ (жор) бичнэ — энэ нь ToDo болон нэхэмжлэл рүү автоматаар холбогдоно.

Сувилагчийн ажлын байр

Гол үүрэг

• Амин үзүүлэлт хэмжиж бүртгэх.
• Эмчилгээний ToDo-гоор өдрийн эмчилгээг гүйцэтгэж тэмдэглэх.
• Шинжилгээний хариу оруулах, дараалал хөтлөх.

Регистраторын ажлын байр

Хяналтын самбар

• Үзүүлэлт: Нийт өвчтөн, Өнөөдрийн цаг, Хүлээж буй, Өнөөдрийн орлого.
• Хурдан үйлдэл: Шинэ өвчтөн · Цаг захиалах · Нэхэмжлэл.

Лаборантын ажлын байр

Хяналтын самбар

• Өнөөдрийн шинжилгээ — өнөөдөр захиалагдсан тоо.
• Хариу хүлээгдэж буй — хариу ороогүй шинжилгээний тоо (захиалгын тоо биш, шинжилгээ тус бүрээр).

Өвчтөний карт таны хувьд

Лаборант нээхэд өвчтөний картад зөвхөн Шинжилгээ болон Шинжилгээний түүх хэсэг харагдана. Эмнэлзүйн болон төлбөрийн хэсэг нуугдана.

Менежерийн ажлын байр

Менежер нь голчлон хяналт, тайлан харах үүрэгтэй: өвчтөний урсгал, орлого, эмийн нөөцийн ерөнхий байдлыг дагана.

Шинэ өвчтөн бүртгэх

1. Өвчтөн цэс → баруун дээд булангийн Шинэ өвчтөн дарна.
2. Заавал бөглөх: Овог · Нэр · Регистрийн дугаар · Утас · Хүйс · Төрсөн огноо.
3. Регистрийн дугаараа оруулмагц төрсөн огноо автоматаар бөглөгдөнө — зөв эсэхийг нэг харна уу.
4. Нэмэлт: Имэйл, Цусны бүлэг, Харшил, Архаг өвчин, Яаралтай үед холбогдох хүн, Тэмдэглэл.
5. Хадгалсны дараа систем өвчтөний кодыг автоматаар үүсгэнэ (жишээ: P2026-00014).

Өвчтөний карт

Хэсэг бүр дээр дарж нээж/хааж болно

Өвчтөнийг хайж олоод нэр дээр нь дарахад карт нээгдэнэ. Дараах хэсгүүдтэй:

• Хувийн мэдээлэл — нэр, регистр, төрсөн огноо, утас.
• Эрүүл мэнд — харшил, архаг өвчин.
• Амин үзүүлэлт — хэмжилтийн түүх, график.
• Зовуурь · Онош · Өвчний түүх
• Эмчилгээ — жор бичих, түүх харах.
• Багажийн шинжилгээ
• Шинжилгээ — үр дүнгийн хүснэгт (огноогоор мөр, үзүүлэлтээр багана).
• Шинжилгээний түүх — захиалга бүрийн дэлгэрэнгүй.
• Үзлэг — үзлэгийн бүртгэлүүд.
• Нэхэмжлэл — сувилагч, лаборантад харагдахгүй.

Шинжилгээ захиалах ба хариу оруулах

Захиалга үүсгэх

1. Шинжилгээ цэс → Шинэ захиалга.
2. Өвчтөнөө хайж сонгоно.
3. Ангилал бүрээс хэрэгтэй шинжилгээгээ чагтална (ангиллын гарчиг дээр дарвал бүгдийг нэг дор сонгоно).
4. Яаралтай эсэх, эмнэлэг/лабораторийн нэр, клиникийн тэмдэглэл оруулна.
5. Хадгалахад захиалгын дугаар үүснэ (жишээ: LAB2026-00042).

Хариу оруулах — 2 арга

• Захиалгаас: Шинжилгээ жагсаалтаас захиалгаа нээж, мөр бүрийн утгыг бөглөөд Хадгалах.
• Шууд (захиалгагүй): өвчтөний картын Шинжилгээ хэсгээс ХАРИУ ОРУУЛАХ дарж, огноо болон утгуудаа шууд оруулна.

Хэвлэх

• Хэвлэх — шинжилгээний хариуг А4-ээр.
• Шинжилгээний бичиг — захиалсан шинжилгээний жагсаалт (лабораторид өгөх хуудас).

Амин үзүүлэлт бүртгэх

1. Өвчтөний картын Амин үзүүлэлт хэсгээс Бүртгэх дарна.
2. Даралт, судас, амьсгал, халуун, жин, өндөр зэргийг хэмжсэнээрээ оруулна.
3. Хадгалсны дараа график болон түүх автоматаар шинэчлэгдэнэ.

Үзлэгийн үед бүртгэсэн үзүүлэлтийг сараар харах, өмнөх/дараагийн хэмжилттэй харьцуулах, бүх бүртгэлийг жагсаалтаар харах боломжтой.

Эмчилгээ (жор) бичих

1. Өвчтөний картын Эмчилгээ хэсгийг нээнэ.
2. Эмээ сонгоно — бүртгэлтэй эмээс сонгох буюу гараар бичиж болно.
3. Тоо хэмжээ, хэрэглэх арга, хугацааг оруулна. Давтамж, 1 удаагийн тунг заавал бичих шаардлагагүй — хэрэгтэй бол чагтлаж нээнэ.
4. Эмчилгээ хийх өдрүүдээ сонгоно. Өдрүүд дараалсан байх албагүй — завсартай (жишээ нь 6-23, 7-03, 8-01) байж болно. «N өдрөөр дараалан бөглөх» товчоор хурдан бөглөнө.
5. Тэмдэглэл хэсэгт дэлгэрэнгүй заавраа бичнэ (урт бичих боломжтой).
6. Хадгална.

Эмчилгээний ToDo гүйцэтгэх

1. Эмчилгээний ToDo цэсийг нээнэ — өнөөдрийн ажил анхдагчаар харагдана.
2. Дээд талаас огноогоо солих, Бүгд / Хийгдэх / Хийгдсэн гэж шүүх, эсвэл өвчтөн, эмээр хайх боломжтой.
3. Эмчилгээг гүйцэтгэсний дараа Хийгдсэн гэж тэмдэглэх дарна.

Карт бүр дээр өвчтөний нэр, код, регистр, өдрийн явц (жишээ: 0/1, «1 үлдсэн») харагдана.

Нэхэмжлэл ба төлбөр

Нэхэмжлэл үүсгэх

1. Төлбөр цэс → Шинэ нэхэмжлэл.
2. Өвчтөнөө сонгоно.
3. Үйлчилгээ/эмээ мөр мөрөөр нэмж, тоо хэмжээг оруулна.
4. Шаардлагатай бол хөнгөлөлт, НӨАТ-ыг тэмдэглэнэ.
5. Хадгалахад нэхэмжлэлийн дугаар үүснэ (жишээ: INV2026-00058).

Төлбөр бүртгэх

1. Нэхэмжлэлээ нээнэ.
2. Төлбөр бүртгэх хэсэгт дүн, хэлбэрийг (Бэлэн / Карт / Шилжүүлэг / Даатгал) оруулна.
3. Бүртгэх дарна. Хэсэгчилсэн төлөлт хийж болно — үлдэгдэл автоматаар тооцогдоно.

Хэвлэх

• Хэвлэх (А4) — стандарт цаасан баримт.
• XPrinter — кассын жижиг принтер. Хажуугийн жагсаалтаас цаасны өргөнөө (58 / 76 / 80 мм) сонгоод дарна.

Эмийн бүртгэл

• Эм орлого — шинэ цуврал (батч) нэмнэ: тоо, дуусах хугацаа, өртөг, зарах үнэ.
• Эм зарлага — гараар олгосон эмийг бүртгэнэ. Систем хугацаа нь эхэлж дуусах цувралаас автоматаар хасна.
• Эмийн тайлан — нөөцийн үнэлгээ, дуусаж буй эм, хугацаа дуусах цуврал.
• Excel татах — эм болон цувралын бүх мэдээллийг файлаар авна.

Эмч жор бичихэд нөөц автоматаар хасагддаг тул тэр эмийг дахин гараар зарлага хийх шаардлагагүй.

Цаг захиалга ба дараалал

• Цаг захиалга — өвчтөн, эмч, огноо цагийг сонгож захиална. Календарь хэлбэрээр харна.
• Дараалал — өнөөдөр ирсэн өвчтөний урсгал. Эмч эндээс шууд үзлэг эхлүүлнэ.

Эрхийн хураангуй

Аль эрх юу хийж чадахыг нэг дор

Системийн тохиргоо, хэрэглэгч удирдах, тайлан, устгах үйлдлүүд нь админд харьяалагдана.

Түгээмэл асуудал

Хуудас ачаалахгүй / хуучин мэдээлэл харагдаж байна

Хуудсаа сэргээнэ — Ctrl + F5. Ихэнх тохиолдолд шийдэгдэнэ.

«Систем шинэчлэгдэж байна» гэсэн хуудас гарлаа

Систем шинэчлэгдэж байна гэсэн үг. Хуудас 20 секунд тутам өөрөө дахин ачаалагдах тул хүлээхэд л хангалттай.

Хайхад өвчтөн олдохгүй байна

Регистрийн дугаарыг бүтнээр нь, эсвэл зөвхөн нэрээр нь оролдоно уу. Олдохгүй бол тухайн өвчтөн бүртгэгдээгүй байж болзошгүй.

Товч дарагдахгүй / хэсэг харагдахгүй байна

Тухайн үйлдэл таны эрхэд зөвшөөрөгдөөгүй байна. Админд хандана уу.